बैतडी, असार १६
बैतडीको मेलौली नगरपालिका–३ स्थित तल्खेतमा ट्याक्टर घरमाथि खसेको छ ।

कुजागाड सडकखण्डको तल्खेतमा सुपप्र च ०२ ००२ त ४३७० नम्बरको ट्याक्टर दुर्घटनामा परेर स्थानीय धनी भट्टको घर माथि खसेको हो । ट्याक्टर दुर्घटना हुँदा दुई जना बालिका घाइते भएका छन ।

घाइते हुनेमा सोही ठाउँका करन चन्दकी ७ वर्षीया छोरी निकिता चन्द र बिर बहादुर चन्दकी ७ वर्षीया छोरी पुर्णीमा चन्द रहेकी प्रहरीले जनाएको छ । घाइते दुवैलाई उपचारको लागि प्राथमिक स्वास्थ्य केन्द्र पाटन पठाइएको छ ।

रोकिराखेको ट्याक्टरको बालिकाले क्लज थिच्दा अचानक ट्याक्टर चलेको बताइएको छ । ढुंगा लोड गर्ने क्रममा दुर्घटनामा परेको प्रहरीले बताएको छ । घटनाबारे थप अनुसन्धान भइरहेको प्रहरीले जनाएको छ ।