टीकापुर, जेठ २९

शैक्षिक र पेशागत क्षेत्रको प्रगति र सुधारका लागि युनाइटेड पिपल ग्लोबलको नौ हप्ते तालिमा सहभागी प्रशिक्षार्थीलाई समूहमा विभाजन गरी सामाजिक कार्य गराइन्छ । 

 यस्ता समूहले गर्ने विभिन्न क्रियाकलाप र सामाजिक कार्यहरू समूह क्रियाकलापको महत्वपूर्ण भूमिका हुन्छ। 

विद्यमान शैक्षिक र पेशागत प्रणालीमा अध्ययनका साथै समूहमा काम गर्न पनि तालिमले प्रोत्साहन गर्दछ । समुहमा गरिने क्रियाकलापले उनीहरूको व्यक्तिगत र सामाजिक क्षमताको विकासमा समेत महत्वपूर्ण सहयोग पुर्‍याउँछ।

समूह क्रियाकलापहरूले मानिसहरूलाई विभिन्न क्षमताहरू विकास गर्न मद्दत गरेको सहभागी एलिजा ढकालले बताइन् । समूहमा काम गर्दा एकअर्का सँग विचार आदानप्रदान गर्न, समस्या समाधान गर्न, रचनात्मक सोचको विकास गर्न, र सहकार्यात्मक सीपहरू सिक्न अवसर मिल्ने हुनाले भविष्यमा पेशागत जीवनमा समेत सहयोग पुर्‍याउने अर्का सहभागी आयुष जंग थापाले बताए ।

'युनाइटेड पिपल ग्लोबलको समूह क्रियाकलाप र सामाजिक कार्यको अर्को महत्वपूर्ण पक्ष भनेको सामूहिक उत्तरदायित्व हो, सामुहिक कार्य गर्दा एकअर्काको बलियो र कमजोर पक्षलाई चिन्न र स्विकार गर्न सिक्छन्। यसले उनीहरूमा आत्मसम्मानको विकास र समूहमा काम गर्ने क्षमताको सुधार गर्दछ। समूहमा काम गर्दा व्यक्तिहरूले समय व्यवस्थापन, कार्य विभाजन, र कार्य अनुगमन जस्ता सीपहरू पनि सिकिन्छन्' थापाले भने।

समूह क्रियाकलापहरूले विविध विषयवस्तुहरूको अध्ययनमा पनि मद्दत पुर्‍याउँछ। समूहमा विभिन्न पृष्ठभूमिका व्यक्तिहरूको सहभागिता हुँदा विभिन्न दृष्टिकोणहरू र विचारहरूको आदानप्रदान हुन्छ। यसले खुला विचारधारा र समावेशी सोचको विकास गर्न मद्दत पुर्‍याउने गरेको छ।

तालिमले समूह क्रियाकलापहरूले सामाजिक सीपहरूको विकासमा पनि सहयोग पुर्‍याउँछ। यस्ता समुह मार्फत सहकर्मीहरूसँग सहकार्य गर्न, एकअर्कालाई सहयोग गर्न, र समूहमा प्रभावकारी संवाद गर्न सिक मिल्दछ । यसले सामाजिक सम्बन्धको निर्माण र सकारात्मक जनसम्पर्कको विकास गर्न मद्दत गरेको थापाले बताए।

युनाइटेड पिपल ग्लोबलद्वारा संचालित समूह क्रियाकलापहरूले पेशागत जीवनमा समेत लाभ पुर्‍याउँछ। पेशागत क्षेत्रमा समूहमा काम गर्न सक्षम हुनु महत्वपूर्ण हुन्छ, र यसले पेशागत प्रगति र व्यवासायिक सफलताको सम्भावनालाई बढाउँछ। समूहमा काम गर्दा सिकिएको सहयोग, समन्वय, र संचार सीपहरू पेशागत जीवनमा अनिवार्य हुन्छन्।

युनाइटेड पिपल ग्लोबलद्वारा संचालित समूह क्रियाकलाप र सामाजिक कार्यहरूले शैक्षिक र पेशागत क्षेत्रमा व्यक्तिहरूको सर्वाङ्गीण विकासमा महत्वपूर्ण भूमिका खेल्द । यसले प्रशिक्षार्थीलाई एकअर्कासँग सहकार्य गर्न, नयाँ ज्ञान र सीपहरू सिक्न, र प्रभावकारी रूपमा समस्या समाधान गर्न मद्दत पुर्‍याउँछ। शैक्षिक र पेशागत संस्थानहरूले समूह क्रियाकलापहरूलाई प्राथमिकता दिनु आवश्यक छ।