टीकापुर, जेठ २४

गए राति आएको हावाहुरीको कारण कैलालीको टीकापुरमा रुखको हाँगा खस्दा एक बालिकाको ज्यान गएको छ । टीकापुर नगरपालिका वडा नं. १ बिशालनगरकी १४ वर्षीया प्याउरी बि.क.को बुधवार राति आएको हावाहुरीमा परी ज्यान गएको हो ।

हावाहुरीका कारण घर नजिकै रहेको साझको रुख घरको आगनमा ढलेर उनको गर्धनमा हाँगा लागेपछि ज्यान गएको स्थानीय लालबहादुर वि.क. ले बताए ।

इलाका प्रहरी कार्यालय टीकापुरले हावाहुरीका कारण रुखको हाँगाले च्यापिएर वि.क.को घटनास्थलमै मृत्यु भएको जनाएको छ । शिविर क्षेत्रमा सुकुम्बासी, मुक्त कमैया, भूमिहीनले जग्गा पाउनृु पर्ने माग गर्दै जंगल अतिक्रमण गरी बसेका छन् ।