जङ्गली हात्तीको आक्रमणबाट ज्यान गयो
टीकापुर, चैत २७
जंगली हात्तीको आक्रमणमा परेर आज टीकापुरमा एक महिलाको ज्यान गएको छ । इलाका प्रहरी कार्यालय टीकापुरका अनुसार ज्यान जानेमा टीकापुर नगरपालिका वडा नं.१ ब्लक नं. १५ की जसुदा बटाला रहेकी छन ।
उनलाई जंगली हात्तीको बथानले टीकापुर नगरपालिका वडा नं.२ स्थित भुराखानी सामुदायिक वन भित्र आक्रमण गरेको डिएसपी विश्वराज अधिकारीले जानकारी दिएका छन ।
मृतक बटाला स्थानीय महिलासँगै भुराखानी सामुदायिक वन क्षेत्रमा घाँस काट्न गएकी बताईएको छ ।
प्रहरी घटनास्थलमा पुगेको छ । घटनाका बारेमा थप अनुसन्धान भैरहेको डिएसपी अधिकारीले बताए ।
यस क्षेत्रमा बेलाबेलामा बर्दिया राष्ट्रिय निकुञ्जबाट आउने जंगली जनावरको आक्रमणमा परेर सर्वसाधारणले ज्यान गुमाउने गरेका छन ।
प्रकाशित मिति: मंगलबार, चैत २७, २०८० १३:०४
प्रतिक्रिया दिनुहोस्
थप समाचार
साताको लोकप्रीय
