टीकापुर, चैत २६
नेपाली काँग्रेस सम्वद्ध तरुण दल कैलाली क्षेत्र नम्बर १ को सभापतिमा कल्पेश कुँवर मनोनित भएका छन । टीकापुरस्थित पार्टी कार्यालयमा आज आयोजित एक कार्यक्रममा जिल्ला सभापति निराजन खड्काले कुँवरलाई पदभार ग्रहण गराएका छन ।
पदभार ग्रहण गर्दै सभापति कुँवरले पार्टीको हितका लागि युवाहरुलाई गोलवद्ध गर्ने प्रतिवद्धता व्यक्त गरेका छन । उनले काँग्रेस प्रति युवाहरुको आकर्षण बढाउने खालका कार्यक्रम गर्ने बताए ।
सोही कार्यक्रममा डम्बर तिखातरीलाई तरुण दल क्षेत्र नम्बर १ को कार्य समिति सदस्यमा मनोनित गरिएको छ । त्यस्तै तैयब मोहम्मद कुरेसी र अमृत पाल्पालीलाई तरुण दल टीकापुर नगर कार्य समितिको सदस्यमा मनोनित गरिएको छ । उनीहरु सबैले सोही कार्यक्रममा पदभार ग्रहण गरेका छन ।
कार्यक्रममा नेपाली काँग्रेस कैलाली क्षेत्र नम्बर १ का सभापति प्रकाश शाह लगायतले बोलेका थिए । कार्यक्रममा पार्टीका नेता कार्यकर्ताहरुको समेत उपस्थिति रहेको थियो ।
