टीकापुर, चैत्र २१
कैलालीको टीकापुरमा रहेको वल्र्ड भिजन र बालकल्याण संघले इलाका प्रहरी कार्यालय टीकापुरलाई विभिन्न सामग्री हस्तान्तरण गरेको छ ।
इलाका प्रहरी कार्यालयले कार्यालयमा स्थापना गरेको थुनुवा पुस्तकालयका लागि पुस्तक तथा अभिभावकसँगै प्रहरी हिरासतमा पुग्ने बालबालिकाका लागि खेलौनाका सामानहरु संघले हस्तान्तरण गरेको हो ।
बालकल्याण संघका आयोजना संयोजक सुगम रेग्मीले हिरासतमा निर्माण गरिएको पुस्तकालयलाई विभिन्न लेखकका १ शय १२ थान किताब र बालबालिकाका लागि चाहिने खेलौना लगायतका सामानहरु इलाका प्रहरी कार्यालय टीकापुरका प्रमुख डिएसपी विश्वराज अधिकारीलाई हस्तान्तरण गरेका हुन् ।
हिरासतमा रहेकाहरुलाई पुस्तक पढ्ने बानी बनाउन, प्रेरक व्यक्तित्वका जीवनी, कथा संग्रह, उपन्यास आदिको व्यवस्थापन गर्न स्थापना गरिएको पुस्तकालयमा किताब तथा सामानले सहज हुने डिएसपी अधिकारीले बताए ।
