टीकापुर, चैत १५
कर्णाली पुलबाट हाम फालेर बेपत्ता भएका लोकेन्द्र शाहीको शव भेटिएको छ । लम्की चुहा नगरपालिका वडा नं. ३ का वडाध्यक्ष लब शाहीले उनको शव टीकापुर नगरपालिकास्थित सनकट्टी घाटमा भेटिएको बताएका छन ।

पानीमा तैरिएको अवस्थामा शाहीको शव भेटिएको बताईएको छ । शाहीका आफन्तले शवको सनाखत गरेका छन । इलाका प्रहरी कार्यालय टीकापुरको टोली घटनास्थल तर्फ गएको छ ।

शाही चैत १२ गते होलीको दिन कर्णाली पुलबाट हाम फालेर बेपत्ता भएका थिए । उनीसँगै अन्य १६ जनाले समेत पुलबाट हाम फालेका थिए । उनीहरुले रमाइलो गर्ने क्रममा पुलबाट हाम फालेको बताईएको छ ।