टीकापुर, चैत्र ११

कैलालीमा एक जना पुरुष मृत अवस्थामा भेटिएका छन्।

मोहन्याल गाउँपालिका वडा नम्बर ३ सांघुरे खोलामा सुर्खेतको चौकुने गाउँपालिका वडा नम्बर ३ का ४२ वर्षीय भक्तबहादुर राना मगर मृत अवस्थामा भेटिएका हुन ।

जिल्ला प्रहरी कार्यालय कैलालीका प्रवक्ता प्रहरी नायब उपरीक्षक(डीएसपी) कुलदिप चन्दले स्थानीयले शव देखेपछि प्रहरीलाई खबर गरेको बताए ।

उनका अनुसार इलाका प्रहरी कार्यालय सुगरखालका प्रहरी वरिष्ठ नायब निरीक्षक बमबहादुर खड्का, इप्रका चिसापानीका प्रहरी निरीक्षक हरिराम डाँगी र इलाका प्रहरी कायर्मलय लम्कीको संयुक्त टोली घटनास्थलमा गएको छ।