करेन्टले लियो ज्यान
टीकापुर, फागुन ९
कैलालीको टीकापुरमा करेन्ट लागेर एकजनाको ज्यान गएको छ। टीकापुर नगरपालिका वडा नं १ स्थित होटल ग्रीन एसियामा कार्यरत ३५ वर्षीय शैलेश कुमार भुलको करेन्ट लागेर ज्यान गएको हो।
बर्दियाको राजापुर नगरपालिका वडा नं २ भीम्मापुरका भूल विगत चार वर्षदेखि होटलमा कार्यरत थिए।
विद्युतको पोलबाट भुइँमा खसेको तार हटाउने क्रममा उनलाई करेन्ट लागेको इलाका प्रहरी कार्यालय टीकापुरले जनाएको छ।
करेन्ट लागेर गम्भीर घाइते भएका भूल भुलको उपचारका क्रममा टीकापुर अस्पतालमा ज्यान गएको हो।
भुललाई बचाउने क्रममा टीकापुर उद्योग वाणिज्य सङ्घका सल्लाहकार संयोजक सुरेन्द्र किशोर गिरीसमेत सामान्य घाइते भएका छन्।
भूलको शव टीकापुर अस्पतालमा राखिएको इलाका प्रहरी कार्यालय टिकापुरले जनाएको छ।
प्रकाशित मिति: बुधबार, फागुन ९, २०८० १०:०२
प्रतिक्रिया दिनुहोस्
थप समाचार
साताको लोकप्रीय
