कञ्चनपुर, फागुन ८

कञ्चनपुरको ब्रह्मदेवबाट जनपुरको ब्रह्मदेवबाट नेपाल प्रहरीले खैरो हिरोईन (ब्राउन सुुगर) सहित एकजना भारतीय नागरिकलाई पक्राउ गरेको छ । 

भारतको उत्तर प्रदेश राज्यको बरेली जिल्ला रसोलातालिब सेईन मोहल्ला बस्ने ३५ वर्षका रहेम अहमदलाई १० ग्राम भन्दा बढी तौलको ब्राउन सुुगर सहित पक्राउ गरिएको प्रहरीले जनाएको छ । 

नेपाल प्रहरी प्रदेश कार्यालय कञ्चनपुर र लागुऔषध नियन्त्रण ब्युरो कार्यालय कञ्चनपुरको संयुक्त टोलीले भीमदत्त नगरपालिका वडा नम्बर ९ ब्रम्हदेबबाट मंगलबार अपरान्ह उनलाई पक्राउ गरेको हो ।

प्रहरीले विषेश सूचनाका आधारमा लामो समयदेखि रहेमले ब्राउन सुुगरको कारोबार गरिरहेको थाहा पाएपछि उनको खोजी सुरु गरेको थियो । ‘मंगलबार ब्रम्हदेबमा अप्रेशन सफल भयो’ अप्रेशनमा संलग्न एकजना प्रहरी अधिकारीले भने । रहेम अहमदलाई जिल्ला प्रहरी कार्यालय कञ्चनपुरमा राखिएको छ ।