एमालेका अध्यक्ष ओलीद्धारा बर्दगोरियाको भवन उद्घाटन
टीकापुर, फागुन ६
प्रमुख प्रतिपक्षी दल नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले कैलालीको बर्दगोरिया गाउँपालिकाको नवनिर्मित भवनको उद्घाटन गरेका छन् ।
नेकपा एमाले कैलालीको अधिवेशन उद्घाटन गर्न पुगेका अध्यक्ष ओलीले गाउँपालिकाको नवनिर्मित भवन उद्घाटन गरेका हुन् । बर्दगोरिया गाउँपालिकाले लिफ्टसहितको अत्याधुनिक भवन निर्माण गरेको छ ।
कैलालीको बर्दगोरिया गाउपालिकाको नवनिर्मित भवनको उद्घाटनपछि अध्यक्ष ओलीले आम नागरिकलाई प्रविधियुक्त सेवा सुविधा प्रवाह गर्न नवनिर्मित भवनले मद्दत पुग्ने बताए ।
गाउँपालिकाका अध्यक्ष कणर्बहादुर कुँवरको अध्यक्षतामा भएको उद्घाटन कार्यक्रममा सर्वसाधारणको उलेख्य उपस्थिति रहेको थियो । आर्थिक वर्ष २०७६/०७७ सालबाट निर्माण सुरु गरिएको प्रशासनिक भवन ५ वर्ष पछि सम्पन्न भएको हो ।
६ करोड १७ लाख लागतको ५० कोठे भवन १५ महिनामा सम्पन्न गर्ने गरी श्यामसुन्दर निर्माण सेवाले २०७६ को साउनमा ठेक्का सम्झौता गरेको थियो ।
स्थानीय तह स्थापनादेखि भाडाको घरमा कार्यालय सञ्चालन गरेको गाउँपालिकाले यतिबेला भने आफ्नै भवनबाट सेवा प्रवाह गर्दै आएको छ ।
प्रकाशित मिति: आइतबार, फागुन ६, २०८० १९:०२
प्रतिक्रिया दिनुहोस्
थप समाचार
साताको लोकप्रीय
