टीकापुर, माघ २०
कैलालीको टीकापुर नगरपालिका वडा नं ७ स्थित सत्ती कर्णाली सामुदायिक वन उपभोक्ता समूहको अध्यक्षमा जीतराम चौधरी निर्वाचित भएका छन् ।
प्रतिस्पर्धी शेरबहादुर ठकुला भन्दा १८० मत बढी ल्याएर अध्यक्षमा चौधरी निर्वाचित भएका हुन् उनले ५३३ मत ल्याएका छन् भने ठकुल्लाले ३५३ मत प्राप्त गरेका छन्।
त्यसैगरी चौधरी प्यानलका उपाध्यक्ष मन्जुदेवी चौधरी ४८० मत ल्याई विजयी भएकी छन भने उनका प्रतिस्पर्धी कला चलाउने धामीले ३३० मत ल्याइन ।
कोषाध्यक्षमा चौधरी प्यानलकै अस्मिता ठकुल्ला विजयी भइन् । उनले ५१९ मत पाइन् भने उनकी प्रतिस्पर्धा राधा जिसीले ३११ मत ल्याइन् । सहसचिवमा मोहनबहादुर रावल ५२२ मत सहित विजय भएका छन् ।
सहसचिवका उम्मेदवार ओमलाल सुनारले ३०७ मत ल्याए भने सचिवमा चौधरी प्यानलका रामकृष्ण चौधरी निर्वाचन अघि नै निर्विरोध निर्वाचित भइसकेका थिए ।
त्यसैगरी सदस्यमा ठकुल्ला प्यानलका साविक धनसिंहपुर गाविस वडा न २ चेतना नेपाली, सेतबहादुर साउँद, गंगा बिक विजयी भएका छन् । नारायणपुर ८ बाट गायत्री देवी स्वाँर, जसु देवी बिष्ट, सन्तोष नेपाली विजयी भए ।
नारायणपुर ७ बाट साधुराम चौधरी, दिलकुमारी पुनमगर विजयी भएका छन भने जितराम चौधरीको प्यानलबाट नारायणपुर ५ का प्रेमलाल श्रेष्ठ र जानकी कुमारी डगौरा थारु निर्विरोध रुपमा निर्वाचित भइसकेका थिए । निर्वाचनमा १०५६ मतदातामध्ये ९३९ भाग लिएका थिए ।
