टीकापुर, माघ १९

नेपाली काँग्रेसले देशव्यापी रुपमा सञ्चालन गरिरहेको समुदायमा काँग्रेस अभियान टीकापुरमा रक्तदान गरेर शुरु गरिएको छ । नेपाली काँग्रेस वडा नं. १ ले पार्टी कार्यालयमा रक्तदान कार्यक्रम आयोजना गर्दै समुदायमा काँग्रेस अभियान शुरु गरेको हो ।

रक्तदान कार्यक्रममा ३२ पिन्ट रगत संकलन भएको वडा नं. १ का सभापति चक्र बटालाले जानकारी दिए । वडाभित्रका विभिन्न टोलहरुमा माघ २६ गतेसम्म अभियान सञ्चालन गर्नका लागि पहिलो दिन रक्तदान गरिएको बटालाले बताए ।

काँग्रेसले समुदायका समस्या, मुद्दा र विषयहरु पार्टीले अंगिकार गर्ने रणनीतिमा ल्याउनका लागि अभियान सञ्चालन गरिएको हो ।