लागूऔषधसहित ५ जना पक्राउ
टीकापुर, माघ ५
कैलालीको धनगढीबाट खैरो हिरोइनसहित पाँच जनालाई प्रहरीले पक्राउ गरेको छ ।
प्रदेश प्रहरी अनुसन्धान समुह (आरआइटी) सुदूरपश्चिम, लागुऔषध अनुसन्धान ब्युरो कञ्चनपुर र जिल्ला प्रहरी कार्यालय कैलालीको संयुक्त टोलीले धनगढीको देबरियाबाट लागूऔषधसहित पाँच जनालाई पक्राउ गरेको हो ।
उनीहरुलाई प्रहरीले धनगढी उपमहानगरपालिका वडा नं. ७ देबरियाबाट ६.८७ ग्राम खैरो हिरोइनसहित पक्राउ गरेको जनाएको छ ।
पक्राउ पर्नेमा बेलौरी नगरपालिका वडा नं. ६ का २४ वर्षीय राज चौधरी, पुनर्बास नगरपालिका वडा नं. १ का २१ वर्षीय हरिलाल राना, पुनर्बासकै ३२ वर्षीय कनैया राना, सोही ठाउँका १८ वर्षीय अर्जुन राना र बेलौरी नगरपालिका वडा नं. ७ का १९ वर्षीय अविसेन राना रहेका छन् ।
पक्राउ परेकाहरुमाथि थप अनुसन्धान भइरहेको जिल्ला प्रहरी कार्यालय कैलालीले जनाएको छ ।
प्रकाशित मिति: शुक्रबार, माघ ५, २०८० ०८:०१
प्रतिक्रिया दिनुहोस्
थप समाचार
साताको लोकप्रीय
