गाउँपालिकाकी उपाध्यक्ष जोशीको निधन
बाजुरा, माघ ४
बाजुराको स्वामीकार्तिक खापर गाउँपालिकाकी उपाध्यक्ष मैना जोशीको निधन भएको छ । लामो समयदेखि बिरामी परेकी जोशीको बुधबार राती आफ्नै निवासमा निधन भएको हो ।
उपाध्यक्ष जोशी क्यान्सरबाट पीडित थिइन् । ललितपुरको किष्ट अस्पतालमा उपचार गराएर केही दिनअघि उनी घर फर्किएकी थिइन् ।
जोशी २०७९ को स्थानीय निर्वाचनमा नेपाली कांग्रेसबाट गाउँपालिकाको उपाध्यक्षमा निर्वाचित भएकी थिइन् ।
काँग्रेस सहमहामन्त्री बद्री पाण्डेले उपाध्यक्ष जोशीको निधनमा दुःख व्यक्त गर्दै मंसिर २८ गते जंसालमा भएको भेटघाट अन्तिम रहेको उल्लेख गरेका छन् ।
प्रकाशित मिति: बिहीबार, माघ ४, २०८० १३:०१
प्रतिक्रिया दिनुहोस्
थप समाचार
साताको लोकप्रीय
