टीकापुर, माघ ३

टीकापुर उद्योग वाणिज्य संघको आयोजनामा पौष २७ गतेदेखि शुरु भएको सुदूरपश्चिम औद्योगिक व्यापार मेला तथा टीकापुर महोत्सव २०८० को छैठौं दिन चर्चित गायक प्रमोद खरेलको प्रस्तुती रहनेछ ।

आयोजकले दिएको जानकारी अनुसार छैठौं दिनमा 'म विना कसै कसैलाई मुश्किल छ पोखरामा’, 'यो कुरा गोप्य नै राखौंला’ जस्ता सयौं चर्चित गीतका गायक प्रमोद खरेलको प्रस्तुती रहनेछ ।

'ओइ झुमा झुमा भुम्कावाली’ लगायत गीतले डेढ दशक यता चर्चाका शिखरमा रहेका प्रमोदले महोत्सवमा आउन सबैलाई निम्तो दिएका छन् । महोत्सवमा उद्घोषिका तथा चर्चित गायिका रुपा जिएम लगायत स्थानीय कलाकारहरुको प्रस्तुती रहने छ ।