टीकापुर, माघ २

टीकापुर उद्योग वाणिज्य संघको आयोजनामा पौष २७ गतेदेखि शुरु भएको सुदूरपश्चिम औद्योगिक व्यापार मेला तथा टीकापुर महोत्सव २०८० को पाँचौ दिन चर्चित कलाकार चक्र बमले प्रस्तुती दिनेछन् ।

आयोजकले दिएको जानकारी अनुसार पाँचौं दिनमा सुदूरपश्चिमकै बासिन्दा रहेका चर्चित गायक चक्र बमको प्रस्तुती रहने छ । बमले उत्कृष्ठ देउडा गीत, दोहोरी गीत, देउडा रिमेक तथा थारु भाषाका गीत बनाएर देश तथा विदेशमा चर्चा बटुलेका छन् ।

उनका ओए काजल, भन साली तेरी दि कहाँ छ, तनाब भा को छ, नौकरी छ मेरो बम्बई जस्ता थुप्रै गीतहरु चर्चित छन् । सुदूरपश्चिमबाट पूर्वी नेपालसम्म उनका गीतका फ्यानहरु छन् ।

महोत्सवमा आज नै गायिका अनिता चलाउने, दोहोरी गायक तथा हाँस्यकलाकार मनिष खड्का, गायिका तथा उद्घोषिका रुपा जिएम लगायत स्थानीय कलाकारहरुको प्रस्तुती रहने छ ।