नागरिक उन्मुक्ति पार्टीको प्रथम महाधिवेशन शुरू
टीकापुर, पौष २६
नागरिक उन्मुक्ति पार्टीको प्रथम महाधिवेशन टीकापुरमा आजदेखि शुरू भएको छ । पार्टीका संरक्षक रेशमलाल चौधरीको अध्यक्षतामा महाधिवेशन शुरू भएको हो ।
संघीय भूमि व्यवस्था सहकारी तथा गरिबी निवारण मन्त्री समेत रहेकी पार्टीकी अध्यक्ष रञ्जिता श्रेष्ठ प्रमुख अतिथि रहेकी छन् । उद्घाटन सत्रमा नेकपा (एकीकृत समाजवादी) पार्टीका अध्यक्ष माधवकुमार नेपाललाई विशिष्ट अतिथि बनाइएको छ ।
पार्टीले महाधिवेशनको प्रमुख अतिथिका रूपमा प्रधानमन्त्री पुष्पकमल दाहाल प्रचण्ड आउने बताएको थियो तर प्रधानमन्त्रीको कार्य व्यवस्तताका कारण अन्तिम समयमा स्थगित भएको नाउपाले जनाएको छ ।
२८ गतेसम्म चल्ने महाधिवेशनले ५०१ सदस्यीय नयाँ कार्य समिति चयन गर्नेछ ।
प्रकाशित मिति: बिहीबार, पुस २६, २०८० २२:०१
प्रतिक्रिया दिनुहोस्
थप समाचार
साताको लोकप्रीय
