टीकापुर, पौष २६

कञ्चनपुरमा बसको ठक्करबाट एक ३ वर्षीय नाबालकको मृत्यु भएको छ ।

भीमदत्त नगरपालिका वडा नं. १४ पलियास्थित पुर्वबाट पश्चिमतर्फ जाँदै गरेको से १ क ९९९ नम्बरको बसको ठक्करबाट सोही ठाउँका गजेन्द्र कुँवरका छोरा ३ वर्षीय कार्तिक कुँवरको बुधवार साँझ मृत्यु भएको हो ।

बसको ठक्करबाट गम्भीर घाइते भएका उनको महाकाली प्रादेशिक अस्पताल कञ्चनपुरमा उपचारको लागि पुर्याए पनि अस्पतालले मृत घोषणा गरेको थियो ।

नाबालकलाई ठक्कर दिने बस र चालक भीमदत्त नगरपालिका वडा नं. १८ भाँसीका ६१ वर्षीय रामबहादुर थापालाई प्रहरीले नियन्त्रणमा लिएको जिल्ला प्रहरी कार्यालय कञ्चनपुरले जनाएको छ ।