टीकापुर, पौष १२

प्रहरीले लागु औषध खैरोहेरोइनसहित दुईजनालाई पक्राउ गरेको छ । कैलालीको गोदावरी नगरपालिका वडा नं. ३ चौकीडाँडाबाट एक र कञ्चनपुरको कृष्णपुर नगरपालिका वडा नं. ८ बाट एक जना लागुऔषध खैरोहिरोइनसहित पक्राउ परेका हुन् ।

इलाका प्रहरी कार्यालय मालाखेतीको टोलीले चौकी डाँडाबाट २६ वर्षीय राजेश लुहारलाई पक्राउ गरेको हो । उनको साथबाट २ शय २० मिलिग्राम लागु औषध फेला पारेको छ ।

यस्तै, कञ्चनपुरका कृष्णपुर नगरपालिका वडा नं. ८ का २८ वर्षीय हरिश भण्डारी बुधवार साँझ पक्राउ परेका हुन । बुधवार साँझ उनको साथबाट प्रहरीले ३ ग्राम ४७ मिलिग्राम लागु औषध फेला पारेको थियो ।

उनलाई प्रदेश प्रहरी कार्यालय महेन्द्रनगर, लागूऔषध नियन्त्रण ब्यूरो र इलाका प्रहरी कार्यालय रैकवारबाट खटिएको प्रहरीले पक्राउ गरेको हो । पक्राउ परेकाहरुमाथि प्रहरीले आवश्यक अनुसन्धान गरिरहेको छ ।