टीकापुर, पौष ७
नेपाल तरुण दल जानकी गाउँपालिकाको अध्यक्षमा निराजन विक्रम शाह चयन भएका छन् । तरुण दलका जिल्ला सभापति निराजन खड्काले शाहलाई अध्यक्षमा मनोनित गरेका हुन् ।

नेपाली काँग्रेसको युवा संगठन तरुण दलको अध्यक्षमा चयन भएका शाहले पार्टीको सिद्धान्त, विचारलाई युवाहरुमाझ पुर्याएर सकारात्मक क्रियाकलापमा एकताबद्ध गरेर लैजाने बताए ।

खड्काको सभापतित्वमा भएको कार्यक्रमका प्रमुख अतिथि नेपाली काँग्रेसका महाधिवेशन प्रतिनिधि रामबहादुर भण्डारी रहेका थिए । भण्डारीले युवालाई सभ्य, सकारात्मक र रचनात्मक कामका माध्यमबाट संगठित गर्दै अघि बढ्नु पर्ने बताए ।

कार्यक्रममा नेपाली काँग्रेस क्षेत्र नं. २ का सभापति विष्णु ढकाल, जानकी गाउँपालिका सभापति गणेशराज रेग्मी, पूणर् थापा, सरिता ढकाल खनाल लगायतले शुभकामना दिएका थिए ।