बर्दिया, पौष ७

बर्दियाको बारबर्दिया नगरपालिका वडा नं. ४ बैरियामा बाघको आक्रमणमा परी एक बालकको ज्यान गएको छ । बैरियास्थित जिरा सामुदायिक वनको छेउबाट हिँडिरहेको अवस्थामा सोही ठाउँका १२ वर्षीय सुनित थारुको मृत्यु भएको डिभिजन वन कार्यालय, बर्दियाका प्रमुख प्रवीण बिडारीले बताए ।

बाघले आक्रमण गरेको स्थानमा सुमित एक्लै हिँडिरहेको स्थानीय फूलपाती थारुले जनाए । विगत केही महिना यता बैरिया लगायत आसपासका गाउँमा बाख्रादेखि कुकुर समेत बाघले आक्रमण गरी मार्दै आएको थारुले बताए ।

बाघको आक्रमणमा सुमितको मृत्यु पछि स्थानीय त्रसित छन् ।