टीकापुर, मंसिर १८

कैलालीको गोदावरी नगरपालिकाबाट लागु औषधसहित दुई जना पक्राउ परेका छन् । कैलाली जिल्ला प्रहरी टोलीले विशेष सूचनाका आधारमा सोमबार पाँच ग्राम लागु औषधसहित दुई जना पक्राउ गरेको हो ।

पक्राउ पर्नेमा गोदावरी नगरपालिका वडा नम्बर १ बस्ने अन्दाजी २९ वर्षिय भरतबहादुर खत्री र २५ वर्षिय विकास कट्टेल रहेको प्रहरीले जनाएको छ ।

‘बिशेष सुचनाको आधारमा कार्यालयबाट सादा पोसाकमा खटिएको प्रहरी टोलीले शंका लागी चेकजाँच गर्दा उनीहरुबाट पाँच ग्राम दुई सय ५० मिलिग्राम लागु औषध खैरो हिरोइन बरामद गरेको हो’ जिल्ला प्रहरी कार्यालयका प्रहरी निरिक्षक गणेश नाथले भने ।

प्रहरी नियन्त्रणमा रहेका उनीहरुमाथि थप अनुसन्धान भइरहेको उनको भनाई छ ।