टीकापुर, मंसिर १
कैलालीको टीकापुर पार्कस्थित कर्णाली नदीमा नुहाउने क्रममा बेपत्ता भएका विशेष चौधरीको शव भेटिएको छ । कैलारी गाउँपालिकामा कार्यरत सवओभरसियर चौधरी कात्तिक २५ गते डुबेर बेपत्ता भएका थिए ।

उनको शव घटनास्थलबाट झण्डै २ किलोमिटर तल दौलतपुरघाट नजिकै भेटिएको इलाका प्रहरी कार्यालय टीकापुरका डिएसपी विश्वराज अधिकारीले जानकारी दिएका छन । मृतक चौधरीको शव पानीमा घोप्टो परेको अवस्थामा भेटिएको छ ।

कैलालीको गौरीगंगा नगरपालिका वडा नम्बर ८ बढैपुरका चौधरी साथीहरुसँगै टीकापुर पार्क घुम्न आएका थिए । नदीमा डुबेर बेपत्ता भएका चौधरीको सशस्त्र, नेपाल प्रहरी, स्थानीय लगायतले खोजी गरेका थिए ।