टीकापुर, कार्तिक ३०

कैलालीमा एक युवतीको करणी भएको छ । जिल्लाको लम्कीचुहा नगरपालिका वडा नं. ३ ढुंगे बजारकी मानसिक सन्तुलन ठिक नभएकी ३० वर्षीया एक युवतीको करणी भएको हो ।

करणी गरेको आरोपमा स्थानीय ४५ वर्षीय प्रकाश जैशीलाई पक्राउ गरिएको जिल्ला प्रहरी कार्यालय कैलालीले जनाएको छ ।

मानसिक सन्तुलन ठिक नभएकी ती युवतीलाई घरमा कोही नभएको मौका छोपी बुधवार साँझ करिब ६ बजे जैशीले करणी गरेको प्रहरीले जनाएको छ । घट्नाको जानकारी पाएपछि प्रहरी निरीक्षक हरिराम डाँगीको नेतृत्वमा खटिएको टोलीले जैशीलाई पक्राउ गरेको छ ।