टीकापुर, कार्तिक १४
टीकापुर नगरपालिका वडा नं. १ ब्लक न. १७ स्थित श्री जालपादेवि मन्दिर परिसरमा श्रीमद् भागवत सप्ताह ज्ञान महायज्ञ हुने भएको छ । माण्डब्य वंशीयसँग सम्बन्धित जालपादेवी मन्दिर परिसरमा महायज्ञ हुने भएको हो ।
कार्तिक १५ गतेबाट हुने महायज्ञ २१ गतेसम्म सञ्चालन हुने जालपा जागरण समाज टीकापुरका अध्यक्ष ताराप्रसाद अधिकारीले जानकारी दिए ।
कार्तिक १५ गते बिहान ११ बजे सुदूरपश्चिम प्रदेश प्रमुख देवराज जोशीले उद्घाटन गर्नेछन् ।
अध्यक्ष अधिकारीका अनुसार कार्तिक १५ गते बिहान ७ बजे दिव्य कलश शोभा यात्रा हुनेछ भने प्रत्येक दिन बिहान ५ बजेबाट ७ बजेसम्म योग साधना, ८ बजेदेखि ११ बजेसम्म पुजापाठ, हवन कार्यक्रम हुनेछ । ।
यस्तै प्रत्येक दिन दिउसो ११ बजेदेखि ४ बजेसम्म संगीतमय भागवत प्रवचन हुनेछ । महायज्ञमा विवाह, ब्रतिबन्ध, ग्रहशान्ति, लक्षवर्ति, तुलादान, भूमिदान जस्ता अनुष्ठानहरु हुने अध्यक्ष अधिकारीले जानकारी दिए ।
महायज्ञको सम्पूणर् तयारी सकिएको अधिकारीले बताए ।
