टीकापुर, कार्तिक १२

कैलालीबाट लागुऔषधसहित प्रहरीले चार जनालाई पक्राउ गरेको छ । जिल्लाको भजनी नगरपालिका वडा नं. २ गौनियाबाट एक ग्राम १९० मिलिग्राम लागूऔषधसहित सोही नगरपालिका वडा नं. १ का २६ वर्षीय तपेन्द्र बोहरा समेत दुई जनालाई प्रहरीले पक्राउ गरेको हो ।

इलाका प्रहरी कार्यालय टीकापुरको प्रहरीले से.७ प १०१६ नम्बरको मोटरसाइकलमा सवार उनीहरूलाई लागुऔषधसहित पक्राउ गरेको हो ।

त्यस्तै टीकापुर नगरपालिका वडा नं. ९ खक्रौलास्थित सडकबाट समेत लागूऔषधसहित थप दुई जना पक्राउ परेका छन् ।

९ शय ९० मिलिग्राम लागुऔषधसहित सोही स्थानका २२ वर्षीय नरेश रावल समेत दुई जनालाई प्रहरीले पक्राउ गरेको हो । प्रहरी चौकी कालाकुण्डाबाट खटिएको प्रहरीले उनीहरूलाई लागुऔषधसहित पक्राउ गरेको हो ।