टीकापुर, कार्तिक १२

कैलालीको सुदूरपूर्वी जानकी गाउँपालिका एक युवकले आफ्नै बाबुको हत्या गरेका छन् । गाउँपालिकाको वडा नं. ३ लायकपुरका २४ वर्षीय गणेश चौधरीले आफ्नै बुवा ४५ वर्षीय हिरासिंह चौधरीको हत्या गरेका हुन् ।

इलाका प्रहरी कार्यालय टीकापुरका डिएसपी विश्वराज अधिकारीका अनुसार मदिरा सेवन गरेका बुवासँग छोराको विवाद हुँदा घटना भएको हो ।

‘आपसी विवाद भएका बेला ढुंगाले प्रहार गरेपछि बुवाको मृत्यु भएको देखिन्छ’ डिएसपी अधिकारीले भने ‘घटनामा संलग्न छोरालाई शनिवार नै नियन्त्रणमा लिएर अनुसन्धान थालिएको छ ।’

घटनामा संलग्न गणेशलाई म्याद थपका लागि जिल्ला अदालतमा पठाइएको डिएसपी अधिकारीले बताए ।