टीकापुर, कार्तिक ११
कैलाली सदरमुकाम धनगढीबाट १२ जना जुवाडे जुवाखालबाटै पक्राउ परेका छन् ।
प्रहरीले शुक्रवार राति धनगढी उपमहानगरपालिका वडा नं. १३ राजपुरस्थित एक टहराबाट १२ जुवाडेलाई नियन्त्रणमा लिएको छ । उनीहरुबाट १ लाख १ हजार २ शय ६५ रुपैयाँ नगद बरामद गरिएको हो ।
पक्राउ पर्नेमा धनगढी-१३ बस्ने ३१ वर्षीय कमल बडायक, ३३ वर्षीय सुवा राना, ३३ वर्षीय राधेश्याम राना, २६ वर्षीय भरत राना, ४९ वर्षीय भरत राना, ४३ वर्षीय राम नन्द राना, ३२ वर्षीय रुपेन्द्र ओझा, २९ वर्षीय शिब कुमार राना, २३ वर्षीय सुरेश राना, ४२ वर्षीय पिरागी राना, ४० का नबोध झा र २८ वर्षीय योगेन्द्र महरा रहेका छन् ।
नेपाल प्रहरीको सुदूरपश्चिम प्रदेश अनुसन्धान समूह (आरआइटी) र वडा प्रहरी कार्यालय धनगढीको टोलीले उनीहरुलाई पक्राउ गरेको हो । पक्राउ परेकाहरुलाई जिल्ला प्रहरी कार्यालय कैलालीमा ल्याएर थप अनुसन्धान भइरहेको प्रहरीले जनाएको छ ।
