टीकापुर, कार्तिक ४

कैलालीको टीकापुरस्थित टीकापुर बचत तथा ऋण सहकारी संस्थाले विजयादशमी तथा दिपावलीको शुभकामना आदान प्रदान कार्यक्रम सम्पन्न गरेको छ ।

संस्थाले सञ्चालक समिति, लेखा सुपरीवेक्षण समिति, सल्लाहकार, कर्मचारी र नियामक निकायबीच शुभकामना तथा अन्तरक्रिया कार्यक्रम सम्पन्न गरेको हो ।

कार्यक्रममा बोल्दै नियामक निकाय टीकापुर नगरपालिकाको सहकारी प्रबद्र्धन शाखा प्रमुख नन्दबहादुर केसीले सहकारी संस्थाहरुले सदस्यलाई केन्द्रमा राखेर आफ्ना गतिविधि सञ्चालन गर्नुपर्नेमा जोड दिए ।

‘सहकारी संस्थाहरु सरकारले तोकेको नीति, नियम र निर्देशन बमोजिम नचल्दा समस्या आउने गरेको हो’ उनले भने ‘सहकारीका सञ्चालकहरु अरु भन्दा बढी जिम्मेवार बन्नुपर्दछ ।’

संस्थाका अध्यक्ष महेशप्रसाद कुश्मीको अध्यक्षतामा भएको कार्यक्रममा स्वागत सञ्चालक समिति सदस्य योगेश रावलले गरेका थिए भने सञ्चालन व्यवस्थापक दीपकबहादुर थापाले गरेका थिए ।