टीकापुर, कार्तिक ३

कैलालीबाट लागूऔषधसहित युवती र युवक पक्राउ परेका छन् । जिल्लाको लम्कीचुहा नगरपालिका वडा नं. ३ चिसापानीको नँया बस्तीबाट १ ग्राम लागूऔषधसहित सोही ठाँउका ३० वर्षीया दिपा बिष्ट र २३ वर्षीय भुपेश थापा पक्राउ परेका हुन् ।

लागूऔषधको कारोबार भइरहेको गोप्य सूचनाको आधारमा इलाका प्रहरी कार्यालय लम्की र इलाका प्रहरी कार्यालय चिसापानीको संयुक्त प्रहरी टोलीले दिपाको घरमा चेकजाँच गर्दा लागूऔषध फेला पारी दुबै जनालाई पक्राउ गरेको प्रहरीले बताएको छ ।