मिनी ट्रक दुर्घटना हुँदा एकको मृत्यु
टीकापुर, असोज १८
सुदूरपश्चिमको पहाडी जिल्ला दार्चुलामा मिनी ट्रक दुर्घटना भएको छ । कैलालीको धनगढीबाट खाद्यान्न बोकेर गएको ट्रक आज (बिहीबार) बिहान दुर्घटना हुँदा एक जनाको ज्यान गएको छ ।
जिल्लाको दुहु गाउँपालिका वडा नं. २ तर्फ गइरहेको से.१ ख १२५२ नम्बरको ट्रक सडकबाट करिब २ शय ५० मिटर तल राताकाठा भिरमा खसेको हो ।
दुर्घटनामा परी दुहु गाउँपालिका वडा नं. ३ ब्रहमदेबका अन्दाजी ४५ वर्षीय करनसिंह बोहराको घटनास्थलमै मृत्यु भएको प्रहरीले जनाएको छ । सवारी चालक भने अहिले फरार छन् । उनको खोजी भइरहेको छ ।
घटनास्थलमा इलाका प्रहरी कार्यालय हिकिलाबाट प्रहरी सहायक निरीक्षक सन्तबहादुर पालको कमाण्डमा ७ जना प्रहरी खटिएका छन् । दुर्घटनाबारे थप विवरण संकलन गर्ने काम भइरहेको प्रहरीले जनाएको छ ।
प्रकाशित मिति: बिहीबार, असोज १८, २०८० १३:१०
प्रतिक्रिया दिनुहोस्
थप समाचार
साताको लोकप्रीय
