टीकापुर, असोज १७

कैलालीमा फरक-फरक ठाउँबाट लागुऔषधसहित दुई जनालाई प्रहरीले पक्राउ गरेको छ । पक्राउ पर्नेमा जानकी गाउँपालिका वडा नं. ९ का २८ वर्षीय ललितसिंह वि.क. छन् ।

उनलाई टीकापुर नगरपालिका वडा नं. १ व्यवसायक्षेत्र स्थित सडक खण्डबाट ५०० मिलिग्राम लागुऔषधसहित इलाका प्रहरी कार्यालय टीकापुरको टोलीले पक्राउ गरेको हो ।

यता, गोदावरी नगरपालिका वडा नं. ५ गेटा खुनाटोलबाट १३० मिलिग्राम लागुऔषधसहित सोही ठाँउका २५ वर्षीय हरिकुमार खुनालाई प्रहरी चौकी गेटाको टोलीले पक्राउ गरेको जनाएको छ ।