धनगढी, असोज १७

सुदूरपश्चिम प्रदेशको राजधानी धनगढीमा हतियार कारोबार संलग्न एक जना पक्राउ परेका छन् ।

प्रहरीले हतियारको कारोबार भइरहेको भन्ने विशेष सूचनाको आधारमा धनगढी उपमहानगरपालिका वडा नम्बर १३ श्रीलङ्काबाट २८ वर्षीय सरोज धानुकलाई पक्राउ गरेको हो ।

उनको साथबाट १ थान कटुवा पेस्तोल, ४ राउन्ड गोली फेला परेको जिल्ला प्रहरी कार्यालय कैलालीले जनाएको छ । घटनाको थप अनुसन्धान कार्य जारी रहेको प्रहरीले जनाएको छ ।