टीकापुर, असोज ९

कैलालीको धनगढीबाट लागुऔषधसहित जोशीपुरका दुई युवक पक्राउ परेका छन् ।

मंगलबार सुदूरपश्चिम प्रदेश प्रहरीको आरआइटी टोलीले लागुऔषधसहित दुबै जनालाई पक्राउ गरेको हो । धनगढी उपमहानगरपालिका वडा नं. ४ बोराडाडीको भित्री सडकखण्डबाट दुबै जनालाई लागुऔषधसहित पक्राउ गरिएको प्रहरीले जनाएको छ ।

जोशीपुर गाउँपालिका वडा नं. ७ का २२ वर्षीय विनय कुवँर र सोही पालिकाको वडा नं. २ का २२ वर्षीय दिनेश रावत लागुऔषधसहित पक्राउ परेका हुन् ।

एक ग्राम १६० मिलिग्राम लागुऔषधसहित पक्राउ परेका दुबै जनालाई जिल्ला प्रहरी कार्यालय कैलालीको हिरासतमा राखेर नुसन्धान भइरहेको प्रहरीले जनाएको छ ।