टीकापुर, असोज ४

कैलालीको टीकापुर नगरपालिका वडा नं. ९ बाट लागूऔषधसहित एक युवक पक्राउ परेका छन् ।

खक्रौलास्थित सत्ती भन्सार प्रहरी चेक पोष्टबाट ४ ग्राम १७० मिलिग्राम लागूऔषधसहित बर्दगोरिया गाउँपालिका २ बौनिया जगतपुरका २५ वर्षीय रबिन्द्र टमट्टा बुधवार साँझ पक्राउ परेका हुन् ।

प्रहरी चौकी कालाकुण्डाबाट खटेएको टोलीले चेकजाँच गर्दा टमट्टाको साथमा लागूऔषध फेला परेकाले पक्राउ गरेको बताएको छ ।