टीकापुर, असोज ३

कैलालीमा लेनदेनको विषयमा विवाद हुँदा एकजना घाइते भएका छन् । जिल्लाको बर्दगोरिया गाउँपालिका वडा नं. २ का ४७ वर्षीय रुपबहादुर सुनारमाथि खुकुरी प्रहार हुँदा उनी घाइते भएको प्रहरीले जनाएको छ ।

लेनदेनबारे विवाद हुँदा आज बिहान वडा नम्बर ५ बस्ने ३२ वर्षीय बसन्त साउदले उनीमाथि खुकुरी प्रहार गरेको इलाका प्रहरी कार्यालय सुखडले जनाएको छ । साउँदले सुनारको घरमै गएर झगडा गरेको प्रहरीले बताएको छ ।

आरोपित साउँदलाई प्रहरीले नियन्त्रणमा लिएर अनुसन्धान गरिरहेको छ। घाइते सुनारलाई उपचारका लागि नेपालगञ्ज लगिएको प्रहरीले बताएको छ ।