कञ्चनपुर, भदौ १०

कञ्चनपुरको मोहना नदीमा डुबेर एक महिलाको मृत्यु भएको छ । जिल्लाको कृष्णपुर नगरपालिका-९ राजघाटकी ७० वर्षीया गौरादेवी महराको नदीमा डुबेर मृत्यु भएको हो।

महरा बिहान नदीमा नुहाउने क्रममा बेपत्ता भएकी थिइन्। बेपत्ता भएकी वृद्धाको शव सशस्त्र प्रहरीको टोलीले निकालेको छ।

सशस्त्र प्रहरी बल ३५ नम्बर गण शैलेश्वरीबाट खटिएको सशस्त्र प्रहरी नायब निरीक्षक कमल जोशीको नेतृत्वमा खटिएको टोलीले नदीबाट शव निकालेको थियो ।