टीकापुर, साउन ३१

कञ्चनपुरमा मोटरसाइकलको हेलमेट भित्र लुकाइएर लगीदै गरेको अवस्थामा खैरोहिरोइनसहित २ जना पक्राउ परेका छन ।

कञ्चनपुरको बेलौरी नगरपालिका - १० सडकघाट लागु औषध खैरो हिरोइन सहित बेदकोट नगरपालिका ९ सुन्दरपुरका संजिव भण्डारी र बिवेक साउँद पक्राउ परेका हुन ।

कञ्चनपुर प्रहरीका अनुसार सुपप्र ०२-००३ प ३०८८ नम्बरको मोटरसाइकल डोर्‍याउँदै लगिरहेको अवस्थामा ट्याङकी माथि राखेको हेलमेट भित्र ५.११ ग्राम लागु औषध खैरो हिरोइन फेला परेको हो।

दुवै जनालाई मोटरसाइकल सहित नियन्त्रणमा लिई थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ ।