गुलरिया, साउन २८

बर्दियाको बबई नदीमा दाउरा छोप्ने क्रममा डुबेर दुई जना पुरुष बेपत्ता भएका छन् । नदीको सतह बढेर सतर्कता तह पार गरेको नदीको भेलमा दाउरा छोप्दा दुवै अलग अलग स्थानबाट बेपत्ता भएका हुन्।

बबई नदीमा डुबेर गुलरिया नगरपालिका-८ निवासी २३ वर्षीय अक्षय चौधरी थपुवाबाट र वडा नम्बर १२ का ३० वर्षीय बालकृष्ण थारू भैसाहीबाट बेपत्ता भएका जिल्ला प्रहरी कार्यालय बर्दियाका प्रहरी नायव उपरीक्षक हिक्मतबहादुर बोहराले बताए ।

बेपत्ताहरूको खोजी कार्य जारी रहेको जिल्ला प्रशासन कार्यालय बर्दियाका सहायक प्रमुख जिल्ला अधिकारी मोहनप्रसाद अर्यालले जानकारी दिए।

घटनास्थलमा मोटरबोटसहित सुरक्षाकर्मी मार्फत खोजी कार्य भइरहेको उनले बताए ।