अछाम, साउन २६

अछाममा अरिङ्गालले टोकेर एक जना वृद्धको मृत्यु भएको छ ।

जिल्ला प्रहरी कार्यालय अछामका प्रमुख प्रहरी नायब उपरीक्षक सन्तोष पाठकले जिल्लाको साँफेबगर नगरपालिका - ८ चण्डिकाका ७२ वर्षीय टेकबहादुर कुँवरको मृत्यु भएको जानकारी दिए ।

बिहीबार बाख्रा चराउन जङ्गल गएका बेला मौरिडाडा भन्ने ठाउँमा कुँवरलाई अरिङ्गालले टोकेको थियो । अरिङ्गालको टोकाइबाट गम्भीर घाइते भएका उनको बिहीबार राति बयालपाटा अस्पतालमा उपचारको क्रममा मृत्यु भएको हो ।