अछाम, साउन ७

सुदूरपश्चिमको पहाडी जिल्ला अछाममा मलामी बोकेको ट्याक्टर दुर्घटना हुँदा एक जनाको ज्यान गएको छ भने ३३ जना घाइते भएका छन् ।

जिल्लाको पञ्चदेवल विनायक नगरपालिकाको कालिकास्थान नजिक मलामी बोकेर घाटतिर जादै गरेको भे १ त ६७५६ नम्बरको ट्रयाक्टर दुर्घटना हुँदा एक जनाको घटनास्थलमै मृत्यु भएको हो ।

मृत्यु हुनेमा पञ्चदेवल विनायक नगरपालिका वडा नं. ६ का २४ वर्षीय दिर्घ विक रहेका छन् । दुर्घटनामा परेर ३३ जना घाइते भएका छन् ।

घाइतेमध्ये चार जनाको अवस्थाको गम्भीर रहेको अछाम प्रहरीले जनाएको छ। घाइते २४ जनाको जिल्ला अस्पतालमा उपचार भइरहेको छ भने ९ जनाको नजिकको स्वास्थ्य चौकीमा उपचार भइरहेको प्रहरीले जनाएको छ ।