डडेल्धुरा, साउन ३

डडेल्धुरामा आँपको रुखबाट लडेर एक महिलाको मृत्यु भएको छ । भागेश्वर गाउँपालिका वडा नं. २ रुपाल रैनपाटाका निरज दमाईकी श्रीमती ३२ वर्षीया रूपा दमाईको मृत्यु भएको हो ।

मंगलबार दिउँसो साढे १ बजेतिर भागेश्वर गाउँपालिका-३ पायल भन्ने ठाउँमा आँप टिप्ने क्रम रुखबाट लडेर रूपाको घटनास्थलमै मृत्यु भएको जिल्ला प्रहरी कार्यालयका प्रवक्ता एवं प्रहरी निरीक्षक उमाकान्त जोशीले जानकारी दिए । शव पोस्टमार्टमका लागि डडेल्धुरा अस्पतालमा राखिएको छ ।