टीकापुर, असार २६

कैलालीको जोशीपुर गाउँपालिकाका एक युवती मृत अवस्थामा फेला परेकी छन् । जिल्लाको जोशीपुर गाउँपालिका वडा नं. ५ की २८ वर्षीया निर्मलाकुमारी बम मृत अवस्थामा फेला परेकी हुन् ।

उनी चुरे गाउँपालिका वडा नं. ४ जाजरीमा सहोदर भिनाजु वीरबहादुर चन्दको घरमा बस्दै आएकी थिइन् । निर्मला चन्दको घरभित्र मृत अवस्थामा फेला परेको ईलाका प्रहरी कार्यालय मालाखेतीले जनाएको छ । उनी हिजो ६ बजे कोठाभित्रै मृत फेला परेकी हुन् ।

निर्मलाको शवलाई पोष्टमार्टमका लागि सेती प्रादेशिक अस्पताल धनगढीमा राखिएको प्रहरीले जनाएको छ ।