लागुऔषधसहित दुई जना पक्राउ, ५ किलोग्राम चरेस बरामद
टीकापुर, असार १२
कैलालीमा लागुऔषधसहित दुई जना पक्राउ परेका छन् ।
सोमबार राति टीकापुर नगरपालिका वडा नं. २ बाट टीकापुर नगरपालिका-५ का २० वर्षीया विशाल चौधरी र १८ वर्षीय लोकेन्द्र चौधरी लागुऔषधसहित पक्राउ परेका हुन् । १ ग्राम ३७० मिलीग्राम लागुओषधसहित इलाका प्रहरी कार्यालय टीकापुरको टोलीले दुबै जनालाई पक्राउ परेको हो ।
त्यस्तै सोमबार साँझ धनगढी उपमहानगरपालिका-१४ ‘एच’ गाउँमा कपडाभित्र बेरेर पोको पारी राखेको अवस्थामा ५ किलोग्राम चरेस फेला पारेको प्रहरीले जनाएको छ ।
सशस्त्र प्रहरी बल बिओपी डिपोबजारबाट खटिएको गस्ती टोलीले चरेस फेला पारेपछि जिल्ला प्रहरी कार्यालय कैलालीबाट खटिएको प्रहरीले बरामद गरेको हो।
प्रकाशित मिति: मंगलबार, असार १२, २०८० १३:०६
प्रतिक्रिया दिनुहोस्
थप समाचार
साताको लोकप्रीय
