टीकापुर, असार ५

पार्टी स्थापना दिवसको पूर्वसन्ध्यामा राष्ट्रिय स्वतन्त्र पार्टी टीकापुर नगर समितिले आज रक्तदान कार्यक्रम गरेको छ ।

पार्टीका नगर सभापति इञ्जिनियर रवीन्द्र विष्टका अनुसार असार ७ गते स्थापना दिवसको पूर्वसन्ध्यामा टीकापुरमा रक्तदान कार्यक्रम गरिएको हो । सभापति विष्टले रक्तदान कार्यक्रमबाट ३१ पिन्ट रगत संकलन भएको जानकारी दिए ।

टीकापुर अस्पतालमा उपचारका लागि आउने विरामीलाई रगतको कमी अभाव हुन थालेपछि रगत आपूर्ति सहज होस् भन्नका लागि रक्तदान कार्यक्रम गरिएको विष्टले बताए ।

कार्यक्रममा नेपाल रेडक्रस सोसाइटी टीकापुर उपशाखाले प्राविधिक सहयोग गरेको थियो ।