टीकापुर, असार ४

कैलालीको घोडाघोडी नगरपालिका वडा नं. ३ नारायणपुर गाउँमा करेन्ट लागेर एक जना युवकको ज्यान गएको छ ।

वडा नम्बर ५ डोडा गाउँका ३५ वर्षीय फुलराम चौधरीको करेन्ट लागेर आज विहान मृत्यु भएको प्रहरीले जनाएको छ ।

गाउँमा सिँचाइको लागि तार जडान गर्ने क्रममा करेन्ट लागेका उनलाई उपचारको लागि घोडाघोडी अस्पताल लगिएको थियो । अस्पतालले उनलाई मृत घोषणा गरेको इलाका प्रहरी कार्यालय सुखडका प्रमुख डिएसपी वीरेन्द्र विश्वकर्माले जानकारी दिए ।