टीकापुर, जेठ २४

कैलालीको दक्षिण भजनी नगरपालिका वडा नं. ८ मा मोटरसाइकलबाट खसेर एक महिलाको मृत्यु भएको छ ।

जिल्लाको भजनी नगरपालिका वडा नं. ८ का ओमप्रकाश डगौराले चलाएको बा.५६ प.४६२१ नंम्बरको मोटरसाइकलमा पछाडि बसेकी ५० वर्षीया जानकीदेवी डगौराको मृत्यु भएको हो ।

भजनी नगरपालिका वडा नं. ३ ठेकीपुलदेखि भजनी गोरचौरा जाँदै गर्दा ठेकीमा खसेकी थिइन् । डगौरा आफै पछाडिबाट खसेपछि टाउकोमा गम्भीर चोट लागेको थियो ।

उनको उपचारको क्रममा प्राथमिक स्वास्थ्य केन्द्र भजनीमा मृत्यु भएको जिल्ला प्रहरी कार्यालयले जनाएको छ । मोटरसाइकल र चालकलाई ईलाका प्रहरी कार्यालय भजनीले नियन्त्रणमा लिएको छ ।