टीकापुर, जेठ २१

हिमालयन लाइफ इन्स्योरेन्स कम्पनीले कैलालीको टीकापुरमा कार्यरत आफ्ना कर्मचारीहरुलाई सम्मानसहित विदाई गरेको छ । 

कम्पनीको उपप्रादेशिक तथा शाखा कार्यालय टीकापुरमा विगत लामो समयदेखि कार्यरत रहेका कर्मचारीहरु तपेन्द्रबहादुर शाह र तुलसीप्रसाद चपाईलाई सम्मानसहित विदाई गरेको हो ।

साविकको गुराँस लाइफ इन्स्योरेन्स, युनियन लाइफ इन्स्योरेन्स र प्राइम लाइफ इन्स्योरेन्स मर्ज भएर बनेको हिमालयन लाइफ इन्स्योरेन्सले कम्पनीबाट स्वेच्छिक अवकास लिएका शाह र चपाईलाई विदाई गरेको हो ।

विदाई कार्यक्रममा बोल्दै साविक गुराँस लाइफका टीकापुर शाखा प्रबन्धक शाहले कम्पनीबाट विदाई भए पनि जीवन विमाकै क्षेत्रमा सक्रिय रहने बताए ।

त्यस्तै प्राइम लाइफका शाखा प्रबन्धक चपाईंले आफ्नो जीवन नै विमाकै क्षेत्रमा समर्पित गरेको बताए ।

त्यस्तै कार्यक्रममा टीकापुर शाखा प्रमुखका रुपमा आएका भोजबहादुर सोडारीलाई स्वागत गरिएको छ । कार्यक्रममा कम्पनीका प्रदेश प्रमुख रामबहादुर शाही र उपप्रमुख तारासिंह बमलगायतको उपस्थिति रहेको थियो ।