खैरो हेरोइनसहित एक पक्राउ
टीकापुर, जेठ ११
कैलालीको टीकापुर नगरपालिका वडा नं. ९ खक्रौलाबाट प्रहरीले लागुओैषध खैरो हेरोइनसहित एक युवकलाई पक्राउ परेको छ ।
प्रहरी चौकी कलाकुण्डा, कैलालीबाट खटिएको प्रहरी टोलीले जानकी गाउँपालिका वडा नं. २ कटघरका २१ वर्षीय दिपेश चन्दलाई ५ ग्राम खैरो हिरोइनसहित आज पक्राउ गरेको हो ।
इलाका प्रहरी कार्यालय टीकापुरका प्रमुख डिएसपी उद्धवसिंह भाटले दिएको जानकारी अनुसार चन्दलाई जुत्ताभित्र लुकाई छिपाई गरी ल्याउँदै गरेको अवस्थामा खक्रौलास्थित चेकपोष्टबाट पक्राउ गरिएको हो ।
भारतबाट नेपालतर्फ आउँदै गरेका चन्दलाई प्रहरीले पक्राउ गरी अनुसन्धान गरिरहेको छ ।
प्रकाशित मिति: बिहीबार, जेठ ११, २०८० १८:०५
प्रतिक्रिया दिनुहोस्
साताको लोकप्रीय
